తెలుగ దేలయన్న దేశంబు తెలుగేను తెలుగు వల్లభుండ తెలుగొకండ ఎల్లవారు వినగ ఎరుగవే బాసాడి దేశ భాషలందు తెలుగు లెస్స

Wednesday, November 23, 2011

అమ్మానాన్నలారా! క్షమించండి ఈ పనికిమాలిన బిడ్డల్ని!


ఒక కళ్ళు సరిగా కనపడని,చెవులు సరిగా వినపడని వృద్ధుడైన తండ్రి ఇంటి గోడపై ఏదో వ్రాలడం చూసాడు.తన కొడుకును పిలిచి అది ఏంటని అడిగాడు.అది "కాకి" అని కొడుకు బదులిచ్చాడు.కాని సరిగా వినపడని తండ్రి మళ్ళీమళ్ళీ అడిగాడు.ఇలా మూడు సార్లు అడిగిన తర్వాత కొడుకు విసుగుతో "ఒక సారి చెప్తే వినపడదా? అది కాకి"అని విసుగుతో కోపంగా బదులిచ్చాడు.అప్పుడు ఆ వృద్ధుడు తన అరలో ఉన్న ఫలానా సంవత్సరపు డైరీని తన కొడుకును తీస్కొనమని చెప్పి అందులో ఫలానా తేదీలో ఏమున్నదో చదవమని అడిగాడు.ఆ డైరీ 30 సంవత్సరాల క్రిందటిది.

అందులో" ఈ రోజు నా సంవత్సరం వయసు ఉన్న కొడుకు గోడపై కాకిని చూపి అదేంటని అడిగాడు.నేను కాకి అని చెప్పినప్పటికీ అర్థం కాక 20 సార్లు అడిగాడు.అందుకు నాకు కోపం రాలేదు సరికదా వాడి అమాయకత్వం చూసి అంతకంతకూ వాడిపై అభిమానం పెరిగింది" అని ఉంది.ఇది చూసి ఆ కొడుకు సిగ్గుతో తల దించుకొన్నాడు.

పైన చెప్పినది కథే కావచ్చు.కాని నేడు దిగజారుతున్న మానవతా విలువలకు ఒక ఉదాహరణ.తను తినకున్నా బిడ్డలు తింటే చూసి ఆనందపడే తల్లి,కుటుంబం కోసం కష్టపడే తండ్రి ఏ విధమైన విసుగు,విరామం లేక బిడ్డలను పెంచి పోషిస్తుంటారు.పిల్లలు వృద్దిలోనికి వస్తే చాలు అనుకుని అందుకోసం ఎన్నో కష్టాలు పడతారు.కాని పెళ్ళిళ్ళు అయిన తర్వాత ఆ సంతానం తల్లిదండ్రుల పట్ల చూపే కృతజ్ఞత ఏమిటి? ఇప్పుడు తామూ పెళ్ళి చేసుకొని పిల్లలను కని వారిని పోషిస్తుంటారు.అలా పోషించేటప్పుడు "తమను కూడా ఇలాగే కదా తమ తల్లిదండ్రులు పెంచి పోషించి వృద్దిలోనికి తెచ్చింది" అన్న ఆలోచన ఎందుకు రావడంలేదు? అందరూ ఇలానే ఉంటారనడం లేదు.కాని చాలామంది ఉన్నారు కదా? వృద్దాప్యంలో తల్లిదండ్రులు కోరుకొనేది ప్రశాంతమైన జీవితం.నేడు వారు భారమై వారిని ఏ వృద్దాశ్రమంలోనో వదిలి పెట్టి తమ బాధ్యత తీరిపోయిందని అనుకొంటున్నారు.ఇదే విధంగా తల్లిదండ్రులు కూడా అనుకొని బిడ్డలను అనాధశరణాలయాలలో వదిలిపెట్టి వస్తున్నారా? అలా వదిలిపెట్టి వచ్చుంటే నేడు ఆ బిడ్డల పరిస్థితి ఏమయ్యుండేది?ఆ దేవుడికే ఎరుక. తల్లిడండ్రులకు ఏ లోటూ లేకుండా ప్రశాంతంగా ఉంచడం మన బాధ్యత.కాదంటారా?

2 comments:

  1. భలే వారండీ,

    బిడ్డల్ని కన్నాక వాళ్ళని మంచి గ పెద్ద వాళ్ళని చెయ్యటం వాళ కర్తవ్యమ్.

    పెద్దలయ్యాక మేము ఇక మా 'పిల్లల్ని ' మంచి గ పెద్ద వాళ్ళని చెయ్యడం మా కర్తవ్యమ్. సో, మీరు పెద్దలు అలా ఎక్స్పెక్టు చెయ్య కూడదు సుమా !

    జస్ట్ కిడ్దింగ్, అంతా గ్లోబలైజేషన్ ! సర్వం 'ఏక' వ్యక్తీ , స్వయం పోషకః!

    చీర్స్
    జిలేబి.

    ReplyDelete
  2. బాగా వ్రాసారండీ. ఈ మధ్య కాలంలో అభివృద్ధి, కెరీర్ అనీ తలొక మాటా పెట్టి ఎడాపెడా మొగుడూ పెళ్ళాం ఉద్యోగం చేస్తూ, అడ్డం వచ్చిన తల్లిదండ్రులనీ, అత్తమామలను వృధాశ్రమం పాలు చేస్తున్నారు. దానితో బాటే, రేపు మనకి పనికి వస్తారు అనే దురాశతో తమ పసిపిల్లల్ని సైతం కిండెర్‌గార్దెన్ అనే కోళ్ళ ఫాం లో పడేస్తున్నారు. రేపు మంచి గుడ్డ్లు...అదేనండీ మంచి జీతం వచ్చే వుద్యోగం రావాలనే కోరికతో పసి పిల్లల బాల్యాన్ని కూడా చిదిమేస్తున్నారు. ఎంతోమంది పిల్లలు బడిలోనికి వెళ్ళేటప్పుడు తమను దింపిన ఆటో డ్రైవర్ని కావలించుకుని ఏడవటం చూశాను. ఇంత కఠినంగా తమపిల్లలను వదిలించుకున్న తల్లిదండ్రులు రేపు ఆ పిల్లలే పెద్ద అయిన తరవాత తమను వృధాశ్రమాలలో దింపితే....ఏ హక్కుతో వారిని ప్రశ్నించగలరు??? ఇంతకీ ఈ తల్లిదండ్రులు అనే "కేరీర్ మూర్ఖులకు" వెనుకకు తిరిగి చూసుకుంటే కనపడేది ఏమిటి?...తమ తల్లిదండ్రులను తాము చూసుకొన్నామన్న తృప్తా?? లేక తమ పిల్లల ముచ్చట్లు చూసామన్న తృప్తా ???.......అంతా ఆఫీసు భేషజాలే తప్ప!!!

    ReplyDelete

Featured Post

వేశ్యల చేత మహాత్ముడు, దేవదూత అనిపించుకొన్న ఓ మహానుభావా! నీకు వందనం

ఒకసారి ఒక వ్యక్తి తన సహచరులతో కలిసి ఈజిప్టులో తిరుగుతూ పొరపాటున ఒక వేశ్యావాటికలోకి ప్రవేశించాడు. స్వతహాగా ఈ వ్యక్తి చాలా అందగాడు, మంచి స్...

Print Friendly and PDF

నా బ్లాగును ఇష్టపడేవారు