తెలుగ దేలయన్న దేశంబు తెలుగేను తెలుగు వల్లభుండ తెలుగొకండ ఎల్లవారు వినగ ఎరుగవే బాసాడి దేశ భాషలందు తెలుగు లెస్స

Monday, August 25, 2008

సుశ్రుతుడు- శస్త్రచికిత్సా పితామహుడు (ప్రాచీన భారత శాస్త్రవేత్తలు)

సుశ్రుతుడు క్రీ.పూ 4 వ శతాబ్దమునకు చెందినవాడు.ఇంతకు మించి వీరి వృత్తాంతము తెలియరావడం లేదు.

వీరు ప్లాస్టిక్ సర్జరీ పితామహుడు.మరియు మత్తుమందు ఉపయోగించడంలోనూ,కంటి శుక్లాలు తొలగించడంలోనూ,మూత్రపిండరాళ్ళు తొలగించడంలోనూ మరియు విరిగిన ఎముకలు అతికించడంలోనూ అనుభవజ్ఞులు.
ప్రక్క చిత్రాలలో సుశ్రుతుడు శస్తచికిత్స చేయడాన్ని మరియు అతడు ఉపయోగించిన పరికరాలను చూడవచ్చు.


ప్రపంచంలో మొట్టమొదట సిజేరియన్ చేసినది కూడా వీరే.

ఇతని మొట్టమొదటి ప్లాస్టిక్ సర్జరీ వృత్తాంతం చరిత్రలో క్రిందివిధంగా నమోదు చేయబడింది.
"ఒక రాత్రి ఒక ప్రమాదన్లూ దాదాపు ముక్కును కోల్పోయిన ప్రయాణికుడు సుశ్రుతుని తలుపు తట్టాడు.అతని ముక్కు నుండి రక్తం ధారాళంగా ప్రవహిస్తోంది.సుశ్రుతుడు మొదట అతని ముఖాన్ని శుభ్రంగా కడిగి ఏవో ఆకులను పిండి ఆ ఆకురసమును అతని ముక్కుపై పిండాడు.తర్వాత అతనికి కొద్దిగా ద్రాక్షరసం(వైన్) త్రాగడానికి ఇచ్చాడు.తర్వాత అతని ముక్కు పొడవును ఒక ఆకుతో కొలిచి అతని గడ్డం నుండి కొద్దిగా మాంసం ముక్కను కోశాడు.ఆ రోగి బాధతో మూలిగాడు కానీ ద్రాక్షరసం ప్రభావం వలన అతనికి నొప్పి తెలియలేదు.
తర్వాత గడ్డానికి కట్టుకట్టి రెండు గొట్టాలను ముక్కు రంధ్రాలలో పెట్టి ముక్కుతెగినచోట మాంసం ముక్కను ఉంచాడు.అక్కడ ఏదో మందుపొడిని,ఎర్ర చందనమును పూశాడు.మరియు మంగళివారు ఉపయోగించే లోహాన్ని ప్రవేశపెట్టాడు.తర్వాత నువ్వులనూనె తో పత్తిని తడిపి దానితో ఆ ముక్కుకు కట్టుకట్టాడు."

ఇదే ప్రపంచంలో మొట్టమొదటిసారిగా 26 శతాబ్దాలముందే చేయబడిన "ప్లాస్టిక్ సర్జరీ".వీరు ఈ విద్యలో కాశీ లోని దివోదశధన్వంతరి అను వారినుండి ప్రావీణ్యత సాధించారు.

వీరు రచించిన ప్రపంచప్రసిద్ద గ్రంథం "సుశ్రుతసంహిత".ఇందులో దాదాపు 101 రకాల శస్తచికిత్సకు ఉపయోగించే పరికరాలను తెలిపాడు.వీటికి జంతువులను సూచించు పేర్లను పెట్టాడు.

9 comments:

  1. మంచి సమాచారం. కానీ ప్రామాణికత రాని/లేని ఈ గత వైభవాల గురించి విటుంటే విచిత్రంగా ఉంది. ఇంత జ్ఞానం ఎక్కడ,ఎలా మాయమైపోయిందంటారు?

    ReplyDelete
  2. జ్ఞానము ఎక్కడికీ పోలేదండీ.మెకాలే ప్రవేశపెట్టిన విద్య వలన మనము మన సంస్కృతీసంప్రదాయాలను చెప్పే విద్యను కోల్పోయాము.మెకాలే బ్రిటిష్ హయాంలో ఇప్పటి ఆంగ్లవిద్యను ప్రవేశ పెట్టబోయేముందు వారి వైస్రాయ్ కు రాసిన లేఖను గమనించండి."వైస్రాయ్ గారూ!ఇప్పుడు(అనగా వారి కాలంలో) భారతదేశంలో నడుస్తున్న వారి సాంప్రదాయ విద్యను గనుక మనము ఇలాగే కొనసాగిస్తే మనము ఏనాడూ భారతదేశాన్ని జయించలేము మరియు మన గుప్పెట్లోకి తీసుకొనలేము.కాబట్టి మన విద్యను ప్రవేశపెట్టడానికి అనుమతి కోరుతున్నాను".దీనివలన మన విజ్ఞానమునకు మనము దూరమైనాము.

    ReplyDelete
  3. మిత్రమా సురెష్..

    నెట్లో చూసిన ప్రతిదీ, ప్రింట్ మీడియాలో ప్రతీ అక్షరమూ, టివి లో ప్రసారం చేసినవన్నీ నిజమని నమ్ముతున్నావా? అంతకన్నా మించిన అమాయకత్వం కాని, అఙ్నానం కాని ఇంకోటి ఉండదు.

    నువ్వు ఉదహరించిన మెకాలే ఉత్తరం పూర్తి hoax. It's complete bulls..t. No one has ever written any letter like that.
    ఇంటర్నెట్ వచ్చాక, ఈ చెత్త conspiracy theories కి అడ్డూ అదుపూ లేకుండా పోయింది.

    చాలా భాధాకరమయిన విషయం.

    MSM(Main Stream Media) కే అంత authenticity లేదు మిత్రమా..ఒక్కొక్కరిదీ ఒక్కక్క ఎజెండా. కాని atleast అక్కడ ఒక విషయం multiple layers of quality controls లోంచి వెళ్ళాల్సి వస్తుంది కాబట్టి, కొంచెం బెటర్.

    పెట్టుబడికీ, కట్టుకథకీ పుట్టిన విష పుత్రికలే, ఈ వార్తా పత్రికలు అన్న శ్రీశ్రీ మాటలు ఎపుడూ వినలేదా?
    ఈ నెట్లో ఫార్వర్డ్ మెయిల్స్ నమ్మడం మానేయి.

    అయినా నాకు తెలీకడుగుతానూ.. మన భారతదేశానికంత గత వైభవం ఉంటే యేంటి, లేకపోతే ఏంటి? Does it matter? What matters is what we do in future and hopefully that will give bragging rights for another "Suresh Babu" a hundred years down the lane.

    మీరు వేదాల్లో సాపేక్ష సిద్దాంతాల ఛాయలూ, గత రెండు, మూడు దశాబ్దాలుగా prominence లోకి వచ్చిన quantum phyics theories ఛయలు బాగ కనబడుతున్నాయంటే వప్పుకుంటా.. అంతేకాని పంతొమ్మిది, ఇరవై శతాబ్దాల్లో కనుక్కున్న total science అంతా మన వేదాల్లోనే ఉందంటే, అది మూర్ఖత్వమే అవుతుంది.

    దీనికీ దేశ భక్తికీ సంబంధం లేదు..అందుకని don't throw that at me.

    Give credit to British Govt(west)..on certain good things we got from them..Yes, ends don't justify means..but truth is a truth.

    ReplyDelete
  4. ఇండిపెండెంట్ గారూ!నేను ఇంతవరకూ నేను అసలైన(Original)పుస్తకాలు చదివే(ఉదా:ఆర్యభటీయం,ఋగ్వేదం మొదలగునవి) టపాలు వ్రాస్తున్నాను కానీ నాకు వచ్చిన ఉత్తరాలు(Forwarded mails)చదివి వ్రాయలేదని ఘంటాపథం గా చెప్పగలను.అలాగే మొత్తం విజ్ఞానం(Science)అంతా వేదాల్లో ఉన్నదని చెప్పడం లేదు.నేను చదువుతున్నప్పుడు నా దృష్టికి వచ్చిన విషయాలు మాత్రమే పోస్ట్ చేస్తున్నాను.
    నేను గతంలో ఒక టపా వ్రాశాను.సత్యం,పవిత్రత,నిస్వార్థత అని.అందులో సత్యం ఎన్నడూ అపజయం పొందదని వ్రాశాను.అలాంటిది నాకు ఎవ్వరినీ నమ్మించనవసరం లేదు.నేను సత్యం అనుకొన్నదే,ఋజువులతో వ్రాస్తున్నాను.నేను ఎవ్వరినీ నిందించడం లేదు.మీరు చెప్పే బ్రిటిష్(పాశ్చాత్య) వారే ఈ గ్రంథాలను అనువదించారు.స్వయంగా మ్యాక్స్ ముల్లర్ పండితులే వేదాలను అనువదించారు.

    ReplyDelete
  5. "అసలైన(Original)పుస్తకాలు చదివే ...టపాలు వ్రాస్తున్నాను" అని "ఘంటాపథంగా" అన్నారు. మరి ఆ మెకాలే ఉత్తరం ఏ పుస్తకంలో చదివారో చెప్తారా! వెధవది మనకెప్పుడూ ఆ "1835 Minute on education" గురించి మాత్రమే ఎందుకు చెప్తారో!

    > "స్వయంగా మ్యాక్స్ ముల్లర్ పండితులే వేదాలను అనువదించారు."

    Max Müller, పండితుడు ... హతవిధీ!

    ఆ మరిచాను. అంతా అసలు సిసలు ఒరిజినల్స్ చదివి రాస్తున్నానన్నారు కదా. పైగా భాషాశాస్త్రంలో కూడా ప్రవేశముంది మీకు. "మ్యాక్స్ ముల్లర్" కాదు, "మాక్స్ మ్యుల్లర్" అని వుండాలి. అసలే జెర్మన్లు మన వేద విజ్ఞానాన్నంతా కొల్లగొట్టుకుని పోయి గొప్పవాళ్ళయ్యారు. మరి మనం కూడా తొందరగా జెర్మన్ నేర్చేసుకుని మన ఆస్తి మనింటికి తొందరగా తెచ్చేసుకుందాం. ఏమంటారు?

    ఇతి అలం!

    -- శ్రీనివాస్

    ReplyDelete
  6. ఇప్పటి సైన్సు కూడా ఇంకా కనుక్కోబడనివి మనమెప్పుడో కనుక్కున్నాం.

    వుదాహరణకు సంజీవిని విద్య! ఆ హిమాలయాల్లో దొరికిన ఆ మొక్కేదో మీరుగానీ పట్టుకుంటే చచ్చినవారిని సులభంగా బతికించొచ్చు. అలాగే మనకు యోజనాలకు యోజనాలు ఎగరడమూ కేవలం గెంతులతో ఎగరడమూ తెలుసు.

    చెప్పుకుంటూ పోతే మన పూర్వీకులకు తెలియని విద్యే లేదు సుమీ!

    --ప్రసాద్
    http://blog.charasala.com

    ReplyDelete
  7. సురేష్ గారు తక్క :

    నిజమేనండోయ్ .. మన పూర్వీకులు వట్టి వెద్దవాయిలు, చవట సన్నాసులు... పక్కదేశాల వారు కేక...

    తను చూసింది చూసినట్టు చెప్పాడాలేదా అని పక్కన బెట్టి ... కనీసం ఆధారాలు రాసారు సురేష్ గారు ...ఆ అధారలు తప్పు అని చూపిస్తే సరిపోయే దానికి .... లేదా ఆ పుస్తకాలు లేక ఉత్తరాలు కూడా పోందుపరఛండి అని అదీగితే పోయే దానికి ఇలా వ్యక్థి నిందలు ఎందుకండి ...

    ఒహో ...వీడు కూదా పూర్వకాల వంధిమాగధ సంతానం అనుకుని నాక్కూడా అక్షతలు వేస్తారా ... స్వాగతం ...

    ReplyDelete
  8. http://durgeswara.blogspot.com/2008/08/blog-post_7268.html

    ఈ టపా చదవండి...ఒక సారి .. (ఒక వేళ చదివుండ నట్టయితే ...)

    మరి ఇలాంటి కట్టడాలకు ఒక నిర్దిష్టమయిన ప్రామాణిక మయిన విజ్ఞానం , అవగాహన లేకుండా ఎదో గుడ్డి పురాణ కధ అల్లినట్టు కట్టారనా మీ భావన ... ? లేక ఇది సదరు పరదేశీయ శిల్పులను పట్టి భందించి వారిచేత కట్టించారన ....

    పురాణంలో ఉన్న ప్రామాణిక లోపాలు బోలేడు వున్నా మాట సూర్యోదయమంత వాస్తవం కానీ ...కానీ అదిమొత్తం ఒక చెత్త అని తీసేయ్యటం ... మట్టిలో వున్న వజ్రన్ని ఉత్తి మట్టిరా పిచ్చివాడా అని వదిలేయటమంత అవివేకం ....

    దానిలో ఏముందో కూలంకషంగా చూస్తే కదా కనీసం అర్ధం అయ్యేది ...

    నాకు ఏందుకు బాబు ఇవన్ని అంటారా ... మరి ఇలాంటి వాటిమీద నిందాపూరిత అభిప్రాయ ధొరణి దేనికి మరి ....??

    ReplyDelete
  9. So, would you get such a plastic surgery done on you? If not, why not?

    Secondly, when you add pictures like the ones shown in your post, you need to give sources.

    Alas - whatever happened to critical thinking ...

    ReplyDelete

Featured Post

వేశ్యల చేత మహాత్ముడు, దేవదూత అనిపించుకొన్న ఓ మహానుభావా! నీకు వందనం

ఒకసారి ఒక వ్యక్తి తన సహచరులతో కలిసి ఈజిప్టులో తిరుగుతూ పొరపాటున ఒక వేశ్యావాటికలోకి ప్రవేశించాడు. స్వతహాగా ఈ వ్యక్తి చాలా అందగాడు, మంచి స్...

Print Friendly and PDF

నా బ్లాగును ఇష్టపడేవారు