తెలుగ దేలయన్న దేశంబు తెలుగేను తెలుగు వల్లభుండ తెలుగొకండ ఎల్లవారు వినగ ఎరుగవే బాసాడి దేశ భాషలందు తెలుగు లెస్స

Friday, February 6, 2009

స్త్రీలకు గౌరవం ఇవ్వడం పై మన వేదాలు,స్మృతులు ఏమంటున్నాయి?

స్త్రీలపై దాడులు,చేయిచేసుకోవడాలు (ఇక అత్యాచారాల సంగతి సరేసరి) సర్వసాధారణం అయిపోయాయి. చివరికిబ్లాగులలో కూడా తోటి మహిళా బ్లాగర్లపై అసభ్యకరమైన టపాలు,వ్యాఖ్యలు చేస్తున్న వారందరూ తెలుసుకోవలసినవిషయాలు ఇవి.

1."యత్ర నార్యస్తు పూజ్యన్తే రమన్తే తత్ర దేవతాః
యత్రైతాస్తునపూజ్యన్తే సర్వాస్తత్రా ఫలాఃక్రియాః" (మనుస్మృతి 3-56)

స్త్రీలు గృహమునందు పూజింపబడుచున్నారో గృహములందు దేవతలు క్రీడించుచున్నారు.అలా పూజింపబడనిచోట ఎన్ని మంచి పనులు చేసినా నిరుపయోగమే.

స్త్రీలు ఇంటిని ప్రకాశింపచేయు దీపములు,మరియు వారు సాక్షాత్ లక్ష్మీదేవుల స్వరూపమే. (మనుస్మృతి 9-26)

2."ఉపాధ్యాయాన్ దశాచార్య ఆచార్యాణాం శతం పితా,
సహస్రంతు పితౄన్ మాతా గౌరవేణాతిరిచ్యతే." (మనుస్మృతి 2-145)

10 మంది ఉపాధ్యాయుల కంటే ఒక ఆచార్యుడు, 100 మంది ఆచార్యుల కంటే తండ్రి, 1000 మంది తండ్రుల కంటే తల్లిపూజ్యురాలు.

3."పతితఃపితా పరిత్యాజ్యోమాతాతు పుత్రే నపతతి "(వసిష్ఠ 13-15)
పతితుడైన తండ్రిని వదిలివేయచ్చు గాని తల్లి ఒకవేళ పతితురాలైనను వదిలివేయరాదు.

4."పతిర్జాయాం సంప్రవిశతి గర్భోభూత్వేహమాతరం
తస్యాం పునర్నవోభూత్వా నవమేమాసిజాయతె.
తజ్జాయా జాయాభవతియ దస్యాం జాయతే పునః" (ఐతరేయ బ్రాహ్మణం 7-3-13)
భర్త భార్యలో ప్రవేశించుచున్నాడు. భార్యనే తల్లిగా చేసుకొనుచున్నాడు. ఎలాగంటే తొమ్మిదిమాసముల పిదపభార్యయందు తిరిగి పుట్టుచున్నాడు.
కాబట్టి భార్య కూడా తల్లిలా పూజ్యురాలే.

5."పత్నీ పారీణహ్యస్యేశే" (తైత్తిరీయ 6-2-1-1)
ఇంటిలోని ధనమునకు యజమాని స్త్రీయే.

మాతృదేవోభవ, పితృదేవోభవ అంటూ తల్లిదండ్రులకు వేదాలు దైవ స్థానాలను కల్పించినా, బ్రహ్మదేవుడు అంతటా తానేఉండాలన్న భావంతో తనకు బదులుగా తల్లిని సృష్టించాడని పురాణాలు చెబుతున్నా ఈనాటి మనుషులకు మాత్రంఇవేమీ పట్టవు. భార్యను తప్ప మిగతా స్త్రీలను అందరినీ తల్లిగా చూడాలని అన్నా ఎందరు పాటిస్తున్నారు చెప్పండి.

5 comments:

  1. "న స్త్రీ స్వాతంత్ర మర్హతి" అన్నది కూడా మను స్మ్రుతిలోనిదే (సందర్భం గురించి నాకవగాహన లేదు మీరు తెలియజేస్తే తెలుసుకోగలను). నే చెప్పొచ్చేదేమిటమంటే మనుస్మ్రుతి తో పాటు ఇతరత్రా పురాణ గ్రంధాలన్నిట్లోనూ చాలా అసంబధ్ధతలున్నాయి. అవే పురాణాల్ని తీసుకొని ఇప్పుడు మీరు చెప్పిన వాటికి వ్యతిరేకంగా కూడా వాదించ వచ్చు. కాదంటారా?

    Anyway. Timely post.

    ReplyDelete
  2. "న స్త్రీ స్వాతంత్ర మర్హతి" అన్నది కూడా మను స్మ్రుతిలోనిదే (సందర్భం గురించి నాకవగాహన లేదు మీరు తెలియజేస్తే తెలుసుకోగలను). నే చెప్పొచ్చేదేమిటమంటే మనుస్మ్రుతి తో పాటు ఇతరత్రా పురాణ గ్రంధాలన్నిట్లోనూ చాలా అసంబధ్ధతలున్నాయి. అవే పురాణాల్ని తీసుకొని ఇప్పుడు మీరు చెప్పిన వాటికి వ్యతిరేకంగా కూడా వాదించ వచ్చు. కాదంటారా?

    Anyway. Timely post.

    ReplyDelete
  3. మనః పూర్వక ధన్యవాదములండీ .

    ReplyDelete
  4. మనువు రచించిన ధర్మశాస్త్రము ఆ కాలానికి సంబంధించినది. సన్యాసులు గురించి మనువు ఏమి వ్రాసాడో తెలుసా? ఇప్పటి పరిస్తితులలో సన్యాసులు పస్తులు వుండవలసిందే కదా.

    ReplyDelete
  5. I Dont care your Vedas and all that .. I respect my inner instinct. I got 23 chromozomes from my mother a first lady in my life.
    I dont care the sex of the human being. I love human being. If you are very particular to get my openion on respect to woman..

    I respect not only the woman ..but also the men and null also

    ReplyDelete

Featured Post

వేశ్యల చేత మహాత్ముడు, దేవదూత అనిపించుకొన్న ఓ మహానుభావా! నీకు వందనం

ఒకసారి ఒక వ్యక్తి తన సహచరులతో కలిసి ఈజిప్టులో తిరుగుతూ పొరపాటున ఒక వేశ్యావాటికలోకి ప్రవేశించాడు. స్వతహాగా ఈ వ్యక్తి చాలా అందగాడు, మంచి స్...

Print Friendly and PDF

నా బ్లాగును ఇష్టపడేవారు