తెలుగ దేలయన్న దేశంబు తెలుగేను తెలుగు వల్లభుండ తెలుగొకండ ఎల్లవారు వినగ ఎరుగవే బాసాడి దేశ భాషలందు తెలుగు లెస్స

Friday, June 25, 2010

భారతదేశం పై ఆర్యుల దండయాత్ర(లేక వలస) లో నిజానిజాలు ఎంత?

ఇదేదో హిందుత్వవాదమో మరొకటో అని అపార్థం చేసుకోకండి. సరే విషయానికి వద్దాము.
1.మొదట మన వేదాలను గమనిద్దాము.వేదాలను అనుసరించే ఈ సిద్దాంతాన్ని ఆంగ్లేయులు ప్రతిపాదించారు.కాని వేద పరిబాషలో ఆర్యుడు అనగా గౌరవ వాచకం.ఉత్తమ నడవడిక,మంచి వ్యక్తిత్వానికి ఇచ్చే గుర్తింపు.అంతే కాని ఈ పదాన్ని జాతిని సూచించేదిగా ఎక్కడా వేదాలలో ఉపయోగించలేదు.
అన్నిటికన్నా ముఖ్యంగా వేదాలలో వలస విషయం కాని,దండయాత్ర విషయం కాని ఎక్కడా చెప్పబడలేదు.
దస్యుడు అనగా మంచి నడవడికలేని వాడని అర్థము.
వేదాలలో కాని,పురాణేతిహాసాలలో కాని ఆర్యావర్తము లేక ద్రవిడ ప్రదేశం అని ప్రాంతాలను బట్టి మాత్రమే పేర్లు పెట్టడం జరిగింది.
ఇక రావణుడు ద్రావిడుడని,రాముడు ఆర్యుడని అపార్థం చేసుకొన్నారు.అపార్థం అని ఎందుకు అన్నానంటే దీనికి ఋజువుగా వాల్మీకి రామాయణంలో మండోదరి రావణుడిని "ఆర్యపుత్రా" అనే సంబోధిస్తుంది.రామాయణమును పూర్తిగా చదివిన వారెవరైనా ఈ విషయాన్ని చూడవచ్చు.

2.ఆంగ్లేయులు ఎలా ఈ సిద్దాంతానికి పథకం రచించారో కొన్ని ఋజువులు.
అ)1866,ఏప్రిల్ 10 వ తేదీ లండన్ లోని "రాయల్ ఏషియాటిక్ సొసైటీ" రహస్య సమావేశ తీర్మానం
"ఆర్య దండయాత్ర సిద్దాంతం భారతీయుల మనసులలోనికి ఎక్కించాలి.అలగైతేనే వారు బ్రిటిష్‌వారిని పరాయి పాలకులుగా భావించరు.ఎందుకంటే అనాదిగా వారిపై ఇతర దేశస్థులు దండయాత్రలు జరిపారు.అందువలన మనపాలనలో భారతీయులు ఎల్లకాలం బానిసలుగా కొనసాగుతారు."
(వనరు:Proof of Vedic Culture's global Existence - by Stephen Knapp.page-39)
ఆ)మ్యాక్స్‌ముల్లర్ 1886లో తన భార్యకు వ్రాసిన ఉత్తరం
"నేను ఈ వేదం అనువదించటంలో భారతదేశపు తలరాత "గొప్పగా" మారబోతూ ఉంది.అది ఆ దేశంలోని అనేక కోట్ల మంది ఎదుగుదలపై ప్రభావం చూపిస్తుంది.ఈ వేదం(ఋగ్వేదం) వారి మతానికి తల్లివేరు.3000 ఏళ్ళ నాటి వారి నమ్మకాలను పెకలించి వేస్తుంది."
(వనరు:The Life and Letters of the Rt.Hon.Fredrich Max Muller,edited by his wife,1902,Volume I.page 328)
విశేషం ఏమంటే 1746-1794 మధ్య కలకత్తా లో భారత సుప్రీం కోర్టు న్యాయమూర్తిగా పనిచేసిన "విలియం జోన్స్",మ్యాక్స్ ముల్లర్ గార్లే ఈ "ఆర్య" శబ్దాన్ని విస్తృతంగా ప్రచారం చేశారు.

3.ఇక భారతీయుల పరిశోధనలు చూద్దాం.
1946లో అంబేద్కర్ రచించిన "Who were the sudras?" అనే పుస్తకంలో శూద్రులు-ఆర్యులు అని ఒక అద్యాయం రచించాడు.అందులో " పాశ్చాత్యులు సృష్టించిన "ఆర్యజాతి" సిద్దాంతం ఏ రూపంలోనూ నిలబడలేదు.ఈ సిద్దాంతాన్ని పరిశీలిస్తే లోటుపాట్లు రెండు విధాలు గా కనిపిస్తాయి.అవి ఒకటి ఈ సిద్దాంతకర్తలు తమ ఇష్టానుసారంగా ఊహించుకొన్న ఊహల నుండి గ్రహించుకొన్న భావనలు గానూ,రెండు.ఇది మతి భ్రమించిన శాస్త్రీయ శోధనగానూ,నిజాలను గుర్తించకుండా మొదటే ఒక సిద్దాంతం అనుకొని దానికి అనుగుణమైన ఋజువులు చూపిస్తున్నట్లు ఉంది"
Secrets of vedas అనే గ్రంథమును అరవిందులు రచించారు.ఇందులో "ఆర్యుల సిద్దాంతం గురించిన హేతువులు,ఋజువులు వేదాలలో అసలు కనిపించవు.అసలు వేదాలలో ఆర్యుల దండయాత్ర గురించి అసలు ఎక్కడా లేదు".

4.సైంటిఫిక్ ఋజువులు:
1920లో బయటపడిన "సింధు నాగరికత"తవ్వకాలతో ఆర్యుల దండయాత్ర సిద్దాంతం తప్పని ఋజువైంది.హరప్పా,మొహంజదారో
మొదలైన స్థలాలు,లోతల్ రేవు,వీటి నగర నిర్మాణ రీతులు మరెన్నో ఆనవాళ్ళు భారతదేశంలో 10వేల సంవత్సరాలుగా ఉన్నతస్థాయిలో వర్ధిల్లుతున్నది అని ఋజువులు చూపిస్తున్నాయి.బ్రిటిష్‌వారి ప్రకారమే మహాభారతం ఇప్పటికి 5000 సంవత్సరాల క్రిందటిది.మన అందరికి తెలుసు రామాయణం అంతకంటే ముందరిది.ఒక వేళ రామాయణ ప్రామాణికతను ఎవరైనా ప్రశ్నించినా వేదాల ప్రామాణికతను ఎవరూ ప్రశ్నించలేదు.వేదాలు మహాభారత కాలం కన్నా ఎంతో ముందని తెలుసు.మరి ఆ వేదాలలోనే "ఆర్య" శబ్దం ఉన్నదనీ తెలుసు.అటువంటిది 'గుర్రాలపై దండెత్తి" ఆర్యులు ద్రావిడులను 3500(క్రీ.పూ 1500 నుండి క్రీ.పూ 100 మధ్య) సంవత్సరాల క్రిందట తరిమికొట్టారన్నది ఏ మాత్రం అర్థం లేనిది.

1980లో ఉపగ్రహాల ద్వారా 'సరస్వతీ' నది ప్రవహించిన ప్రాంతాన్ని చిత్రాల ద్వారా గుర్తించారు. ఋగ్వేదంలో చెప్పినట్లు ఈ ప్రవాహ మార్గం ఖచ్చితంగా సరిపోతోంది. వేద నాగరికత సరస్వతీ నదీ తీరంలో వెలసినది అని వేదాలు మనకు చెబుతున్నాయి.కాని బ్రిటిష్‌వారు ఈ నదిని ఒక ఊహగా,వేదాల సృష్టిగా చిత్రీకరించారు.

ముఖ్య విషయం ఏమిటంటే సైంటిఫిక్ గా కానీ,చారిత్రికంగా కానీ ఆర్యుల దాడి కి సంబంధించిన ఆధారాలు ఇంతవరకూ లేవు.
ఇక ఉత్తర భారత,దక్షిణ భారత ప్రజల శరీర నిర్మాణం,రంగుల విషయానికి వస్తే ఉత్తర భారతదేశం హిమాలయాలు ఉండడం వలన అధిక చల్లదనాన్ని కలిగిఉంది.దక్షిణ భారతదేశం భూమధ్యరేఖకు దగ్గరగా ఉండడం వలన వాతావరణం వేడి గా ఉంటుంది.అందువలనే ప్రజల భౌతిక రూపాలలో తేడాలు ఉన్నాయి.ఒకే రాష్ట్రం లో ని ప్రజల ఒకే బాషలో తేడాలు(యాస),ఆచారాలలో తేడాలు ఉన్నప్పుడు విశాల భారతదేశంలో ఆచారవ్యవహారాలలో తేడాలు ఉండడం విషయం కాదు.ఉదాహరణకు తమిళనాడులోనూ,ఆంధ్రప్రదేశ్ లోని కొన్ని ప్రాంతాలలోనూ పెళ్ళికూతురుని ఒక గంపలో కూర్చుండబెట్టి పిలుచుకురావడమనే ఆచారం ఉంది.కాని ఆంధ్రప్రదేశ్ లోని చాలా ప్రాంతాలలోనే ఈ ఆచారం లేదు.నేను నివశించే అనంతపురం జిల్లాలో కూడా ఈ ఆచారం లేదు.ఇలా ఎన్నో చెప్పుకోవచ్చు.

ముక్తాయింపు:
వ్యక్తిగత విమర్శలు చేస్తే అవి తొలగిస్తాను. మీ వద్ద గల అధారాలు, అభిప్రాయాలు మాత్రం చెప్పగలరు.

6 comments:

  1. You may check these links out

    http://malakpetrowdy.blogspot.com/2009/03/blog-post_31.html

    http://malakpetrowdy.blogspot.com/2009/04/blog-post.html

    http://malakpetrowdy.blogspot.com/2009/04/blog-post_06.html

    http://malakpetrowdy.blogspot.com/2009/04/blog-post_11.html

    ReplyDelete
  2. ఈ చర్చ ఎడతెగకుండా చాలా ఏళ్ళుగా సాగుతోంది, నిజనిజాల పట్ల, స్వీయ మూలాల పట్ల ఘనత వహించిన సర్కారుకు మాత్రం శ్రద్ద శూన్యం.

    ReplyDelete
  3. http://www.janataparty.org/articledetail.asp?rowid=24

    Hindu society became divided by caste that became increasingly mutually antagonistic. Attempts were made through falsification in history texts adopted for curriculum in the education system to disconnect and disinherit the contemporary Indian from the past glory of Hindu India. The intrinsic Hindu unity was sought to be undone by legitimizing such bogus concepts as Aryan-Dravidian racial divide theory, or that India as a concept never existed till the British imperialists put it together, or that Indians have always been ruled by invaders from abroad. There is no such word as Aryan in Sanskrit literature [closest is ‘arya’ meaning honourable person, and ndot community] or Dravidian [Adi Sankara had in his shasthrath with Mandana Mishra at Varanasi, called himself as a ‘dravida shishu’ that is a child of where three oceans meet, i.e., south India]. The theory was deliberate distortion by British imperialists and propagated by their Indian witting and unwitting mental slaves. Incidentally, the Aryan-Dravidian myth has now been exploded by modern research on DNA of Indians and Europeans conducted by Professor C.Panse of Newton, Mass. USA and other scholars. In light of such new research, the British Broadcasting Corporation [BBC] service in it’s October 6, 2005 service completely debunked the Aryan—Dravidian race theory stating that: “Theory was not just wrong, it included unacceptably racist ideas” [www.bbc.co.uk, religion & ethics homepage, Thursday, 6/10/05].

    ReplyDelete
  4. 1946లో అంబేద్కర్ రచించిన "Who were the sudras?" అనే పుస్తకంలో శూద్రులు-ఆర్యులు అని ఒక అద్యాయం రచించాడు.అందులో /చాణక్యుని అర్ధశాస్త్రం చదివినవారికి అంబేద్కర్ ఈ పుస్తకం ఎందుకు వ్రాసారో అర్ధం అవుతుంది.వ్యాస భారతంలో ఆర్య పదానికి అర్ధం విప్రుదని లేదు,మరి వ్యాసుని దృష్టిలో ఈ పదానికి అర్ధం సూద్రూడనే.ఉత్తర/దక్షిణ కవులలో/రచనల్లో , ఎవరికీ వారు ఆర్యులనే పదంతో ఆడిపోసుకోవడం జరిగింది . చాణక్యుడు సైతం ఈ పదాని తక్కువ స్థాయికి చెందిన వర్గం అనే అర్ధంలోనే ఉపయోగించడం మనం గమనించగలం.ఆయన పద ప్రయోగాల్లో ఈ శబ్దానికి సరిఇన అర్ధం సూద్రులనే.ఎక్కడ ఈ పదం వాడినా ఆయన ఆ వర్గీయులు వ్యధ చెందకుండా ఉండేందుకు ఈ 'ఆర్య"శబ్దాన్ని వాడినట్టు మేధావులు చెబుతుంటారు.అయితే అంబేద్కర్ మాత్రం ఈ ఆర్య పదాన్ని గౌరవసూచికగా గ్రహించి పై పుస్తకం వ్రాసారని విభుదుల విశ్వాసం/చల్లా.జయదేవ్ -చెన్నై-౧౭

    ReplyDelete
  5. మంచి పోస్ట్. వివరణ బాగుంది. ప్రస్తుతం బ్లాగులలో ఇది వేది అంశం.
    శ్రీవాసుకి

    ReplyDelete
  6. చాల చక్కగా వివరించారు, ఆర్యుల గురించి అంబేద్కర్ గారు కూడా ఖండించారా?నేను ఇన్ని రోజులు అనుకున్నాను ఆర్యులు వేరె ప్రాంతం నుండి వచ్చారని.అసలు నాకు ఒక డౌట్,ఈ మహభారతం,రామాయణాలు జరిగాయా?వీటికి చారిత్రక ఆధారాలు ఉన్నాయా?బుద్ధుడు ఎప్పుడు జన్నించారు.వేదాలు వచ్చిన తరువాతనా??మరి ఇన్ని కులాలు ఒక్క భారతదేశంలోనె ఎందుకు ఏర్పడ్డాయి.మరి వేదాలలో ఒకరు ఎక్కువ,తక్కువ లు అని ఏ ఆధారంతో విభజించారు.విదేశాలలో మన ధర్మాలు ఎందుకు లేవు?

    ReplyDelete

Featured Post

వేశ్యల చేత మహాత్ముడు, దేవదూత అనిపించుకొన్న ఓ మహానుభావా! నీకు వందనం

ఒకసారి ఒక వ్యక్తి తన సహచరులతో కలిసి ఈజిప్టులో తిరుగుతూ పొరపాటున ఒక వేశ్యావాటికలోకి ప్రవేశించాడు. స్వతహాగా ఈ వ్యక్తి చాలా అందగాడు, మంచి స్...

Print Friendly and PDF

నా బ్లాగును ఇష్టపడేవారు